विराटनगर । कोशी प्रदेश सरकारले आगामी आर्थिक वर्ष २०८३/८४ का लागि ४० अर्ब ४४ करोड १८ लाख रुपैयाँ बराबरको बजेट सार्वजनिक गरेको छ ।

आर्थिक मामिला तथा योजना मन्त्री विदुरकुमार लिङ्थेपले प्रदेश सभामा प्रस्तुत गरेको यो बजेट चालू आर्थिक वर्षको तुलनामा १२.७४ प्रतिशतले वृद्धि भएको हो ।

बजेट संरचनालाई हेर्दा चालूतर्फ १३ अर्ब ९७ करोड ६३ लाख रुपैयाँ (३४.५५ प्रतिशत) विनियोजन गरिएको छ भने पूँजीगततर्फ २० अर्ब ७५ करोड ११ लाख रुपैयाँ (५१.३२ प्रतिशत) छुट्याइएको छ ।

वित्तीय व्यवस्थातर्फ १५ करोड रुपैयाँ (०.३७ प्रतिशत) विनियोजन गरिएको छ । यसरी हेर्दा बजेटको प्राथमिकता विकास-निर्माण तथा पूर्वाधार विस्तारतर्फ केन्द्रित देखिन्छ ।

सरकारले कृषि, उत्पादन, पूर्वाधार विकास, पर्यटन, शिक्षा, स्वास्थ्य, सुशासन तथा रोजगारी सिर्जनालाई मुख्य प्राथमिकतामा राखेको छ । यी क्षेत्रलाई जोड दिएर आर्थिक गतिविधि विस्तार गर्ने र रोजगारी सिर्जना गर्ने लक्ष्य बजेटमा समेटिएको छ ।