फिदिम । जन्मेदेखि ५९ महिनाभित्रका सबै बालबालिकालाई उमेर समूहअनुसार दिनुपर्ने खोपको सबै मात्रा पूरा गरेपछि पाँचथरलाई पूर्ण खोप सुनिश्चित जिल्ला घोषणा गरिएको छ । पाँचथर पूर्ण खोप घोषणा देशकै पहिलो जिल्ला बन्न सफल भएको बताइएको छ ।

जन्मेदेखि ११ महिनाभित्रका १ हजार ५ सय १९, ११ देखि १५ महिनाका ५ सय ७३, १५ देखि २३ महिनाका १ हजार ४ सय ८ र २४ देखि ५९ महिनाका बालबालिकाको संख्या ५ हजार ६ सय ४ रहेको छ ।

यी सबै उमेर समूहका कुल ७ हजार १२ जना बालबालिकालाई उमेर समूहअनुसार लगाउनुपर्ने खोपका सबै मात्रा पूरा गरेर पूर्ण खोप तथा दिगोपना सुनिश्चित गरिएको जिल्ला खोप समन्वय समिति पाँचथरका अध्यक्ष रामराज आङदेम्बेले बताए ।