दमक। झापा -५ का लागि नेपाली कम्युनिस्ट पार्टीका उम्मेदवार रन्जित तामाङले केपी ओलीले आफुलाई सहयोग गर्नुपर्ने वताएका छन्।

शनिवार दमकमा पत्रकार सम्मेलन आयोजना गरी तामाङले सो आग्रह गरेका हुन्।

पत्रकार सम्मेलनमा ओलीलाई तामाङले भने-‘ जोसुकैले सहयोग गरेपनि तपाईले चुनाव जित्नुहुन्न। त्यसैले वाम आन्दोलनको रक्षाका लागि तपाईले हामीलाई सहयोग गर्नुपर्छ।’ नेकपालाई सहयोग गरेर वाम आन्दोलनको पक्षमा उभ्याउन ओलीलाई उनले सुझाव दिए।

नेकपा झापा -५ मुल निर्वाचन परिचालन समितिद्वारा आयोजित पत्रकार सम्मेलनमा तामाङले भने-‘ हाम्रो पक्षमा दिनप्रतिदिन उत्साह , उर्जा र विजयको माहौल वढिरहादा पराजित मानसिकता वोकेका विभिन्न शक्तिहरुले गठबन्धनको नाममा फैलाएका तथ्यहिन र भ्रामक दुष्प्रचारप्रति घोर आपत्ति प्रकट गर्दछौं। ‘ तामाङले ओली र वालेन समुहले आचारसंहिता उल्लङ्घन गरेकोमा आपत्ति प्रकट गरे।

उनले भने -‘ निर्वाचन परिणामलाई प्रभावित गर्ने मनशायले सत्ता र शक्तिको आडमा वजेट, योजना र अनेक प्रलोभनका पोका छरेर गरिएका सवै खाले आचारसंहिता विरोधी हर्कतको घोर निन्दा र भर्त्सना गर्दै त्यसखालका क्रियाकलाप तत्काल रोक्न आग्रह गर्दछौं।’ तामाङले रास्वपा सभापति र बरिष्ठ नेताद्वारा अमुक देशका प्रधानमन्त्रीलाई सहयोगको याचना गरिएको भनिएका खबरहरु स्वयं रवि लामिछाने र वालेन्द्र शाहले खण्डन गर्नुपर्न वताएका छन्।

लामिछाने र शाहप्रति लक्षित गरदै उनले भने-‘अमुक देशका प्रधानमन्त्रीलाई सहयोगको याचना गरिएको भनिएका खबरहरु आइरहंदा त्यही तहवाट प्रभावकारी खण्डन नहुनु रहस्यमय छ।’ पत्रकार सम्मेलनमा तामाङले चुनाव विथोल्न कसैले लाग्नु नहुने वताए।

तामाङले एमाले कार्यकर्ताहरूबाट पत्रकार अर्जुन आचार्यमाथि भएको आक्रमणको पनि निन्दा गरेका छन्। ‘रिपोर्टिङको शिलशिलामा झापा -५ अन्तर्गत कमल गाउं पालिकामा पुगेका पत्रकार अर्जुन आचार्यमाथि एमाले निकट नेसनल भोलिन्टियर्स फोर्सका कार्यकर्तावाट गरिएको सांघातिक हमलाको घोर भर्त्सना गर्दै दोषीलाई कडा कार्वाहीको माग गर्दछु’ उनले भने ।

पत्रकार सम्मेलनमा नेकपा झापा ५ का चुनावी कमाण्डर सुरेन्द्र बस्नेतले ओली र वालेन दुवैले ब्यापक आचारसंहिता उल्लङ्घन गरेर मुठभेड निम्त्याउन खोजेको बताए। बस्नेतले भने-‘ स्वच्छ , मर्यादित र शान्तिपुर्ण निर्वाचन विथोल्ने हर्कत अविलम्ब वन्द गर्न सम्वन्धित सवैमा अपिल गर्दछु।’