काठमाडौं । २०१४ जेठ १५ गतेदेखि २५ गतेसम्म काठमाडौंको दरबारमार्गस्थित फोहरादरबारमा नेकपाको दोस्रो महाधिवेशन खुला रुपमा सम्पन्न भएको थियो । महाधिवेशनमा डा. केशरजंग रायमाझीद्वारा प्रस्तुत ‘पार्टीको कार्यक्रममा परिवर्तन किन ?’ नामक दस्तावेज अस्वीकृत भएको थियो भने कमरेड पुष्पलालले पेश गर्नुभएको संविधानसभा र गणतन्त्रको कार्यक्रमिक नारासहितको दस्तावेज पारित भएको थियो । तर, नेतृत्वमा चाहिँ केशरजंग रायमझी आउनुभएको थियो ।

२०१७ पुस १ गतेको राजा महेन्द्रको सैनिक ‘कु’ लाई डा. केशरजंग रायमाझीले ‘प्रगतिशील कदम’ भनेर स्वागत गरेपछि नेतृत्वमा रहेको विचलन छताछुल्ल भएको थियो । कमरेड पुष्पलालको नेतृत्वमा उक्त कदमलाई ‘सैनिक आतंक’को संज्ञा दिँदै विरोधका साथ संघर्षमा जोड दिइएका कारण कम्युनिस्ट पार्टीको क्रान्तिकारी चरित्र जोगिएको थियो । कम्युनिस्ट पार्टीलाई राजाका पाउमा चढाउने घोर दक्षिणपन्थी र राजावादी चरित्रलाई उदांगो पार्दै कम्युनिस्ट आन्दोलनलाई क्रान्तिकारी, जनमुखी र परिवर्तनकारी आन्दोलनका रुपमा विकास गर्न त्यसपछि कठिन संघर्ष गर्नुपरेको थियो ।

नेपाल कम्युनिस्ट पार्टी दोस्रो राष्ट्रिय महाधिवेशनबाट निर्वाचित केन्द्रीय कमिटी २०१४ जेठ, १५–२५, फोहरा दरवार (प्रभा सिनेमा हल), काठमाडौं