संसद् सम्बोधनमा उनले रोग नियन्त्रणका लागि आवश्यक बजेट व्यवस्थापन गरिने र हैजाको स्रोत पत्ता लगाउन छानबिन भइरहेको बताए । हैजा र झाडापखालाको औषधि निःशुल्क उपलब्ध गराइएको र नारायणी उपक्षेत्रीय अस्पतालमा निःशुल्क उपचार भइरहेको उनले उल्लेख गरे ।

हालसम्म वीरगञ्जमा ६२४ जना संक्रमित भएकामा ४३७ जना निको भई घर फर्किएका छन्, भने १८७ जनाको उपचार भइरहेको छ । पछिल्लो २४ घण्टामा ८४ नयाँ बिरामी थपिएका छन् र तीन जनाको मृत्यु भएको छ । सरकारले रोग रोकथाम र उपचारमा तीव्र गतिमा काम गरिरहेको छ ।